​​ Агар тушунтиришга тўғри келса — демак, тушунтириш ишлари суст бўлган.

​​ Агар тушунтиришга тўғри келса — демак, тушунтириш ишлари суст бўлган. Бу пост ўзим олган яна бир "бизнес" сабоқ хақида. Яқинда битта катта контрактни имзоладик. Унга ярим йилдан кўпроқ вақт кетди. Учрашувлар, музокаралар, келишувлар. Охирига етиб, мижоз: “Ҳаммаси жойида. Тайёрман,” деди. Алхамдулиллах! Лекин… кичкина паузадан кейин, қуйидаги савол бўлди: “Мен бу пулга нима оламан ўзи?” 🙃 Шунда мен тушундим-ки — бу савол эмас. Бу сигнал эди. Ва у мижоз учун эмас. У мен учун эди. Агар одам сўнгги пайтда: “Бу нарса ҳақиқатан арзийдими?” деб сўраса — демак, икки ҳолатдан бири рўй берган: 1️⃣ Мен маҳсулотимнинг қийматини аниқ ва равшан қилиб кўрсата олмадим. “Биз нима қиламиз” эмас, балки “бу сизга қандай фойда беради” ни кўрсатиш керак. ёки 2️⃣ Мен нотўғри одамга сотяпман. Унинг эҳтиёжи бошқа. Унинг дунёқараши бошқа. У менинг таклифимни эшитмади. Ана шунда “ҳақиқий қоида” ишга тушиши керак: 👉 Агар тушунтиришга тўғри келса — демак, тушунтириш шарт эмас. Бу худди ҳазил гапга ўхшайди, лекин бизнесда ҳамиша иш беради. Агар сотув охирида мен қийматни ҳали ҳам тушунтиришга ҳаракат қилаётган бўлсам — демак, уни бошидан тўғри етказмаганман. Ёки нотўғри одам билан гаплашяпман. Шундай вазиятларда энг тўғри йўл — жавоб излаш эмас. Бошидан жараёнга қайта қараш. керак Ўзимдан сўрашим керак: - Маҳсулотимнинг асосий қиймати нима? - Бу кимга ҳақиқатан керак? - Уларни қаердан топиш мумкин? - Ва мен қандай қилиб шу одамларга ҳеч қандай савол қолдирмасдан таклифни беришим мумкин? Агар бу саволларга ўзингизга ростини айтсангиз — кейинги музокарада “Мен бу пулга нима оламан?” деган савол умуман бўлмас экан. рус лотин ---------------------------------- Рақамларни ҳисобланг, бизнес билан шуғулланинг! Telegram | Facebook | Instagram | YouTube | 🌐