Фойда ўсмаса — балки муаммо бозорда эмас, балки муаммо бизнес ичидадур.

Фойда ўсмаса — балки муаммо бозорда эмас, балки муаммо бизнес ичидадур. Кўпчилик рентабелликни фақат рақам деб қабул қилади. Аслида эса - бу бизнес қанчалик тўғри ишлаётганининг индикатори. Агар фойда ўсмаётган бўлса, демак қаердадир тизим “ёпилиб” қолган. Рентабелликни ошириш - бу “битта тугмани босиш” билан битадиган иш эмас. Бу бир нечта тўғри қарорларни кетма-кет қабул қилиш. Биринчиси - жараёнлар. Агар иш қўлбола юритилаётган ёки секин бўлса, сиз доим ортиқча харажат қиляпсиз. Автоматизация, соддалаштириш, ортиқча қадамларни кесиш - бу тўғридан-тўғри пулни сақлаб қолиш. Иккинчиси - харажатлар. Кўп бизнеслар “қисқартириш” деганда фақат тежашни тушунади. Аслида эса гап назоратда: - қаерда ортиқча сарф харажат бор - қаерда самарасиз харажат - қаерда умуман фойда бермайдиган "иш"га пул кетяпти. Шуларни кўришнинг ўзиёқ натижа беради. Учинчиси - нарх. Кўпчилик қўрқади. Бироқ ҳақиқат шуки: секин-аста оширилган нарх - мижозни қўрқитмайди. Лекин у бизнесга нафас беради. Тўртинчиси - одамлар. Тизимни одамлар ҳаракатга келтиради. Агар ходим тушунмаса, ўрганмаса ва жавобгарликни ҳис қилмаса --ҳеч қандай стратегия ишламайди. Ва яна бир муҳим нарса: Рақобатни кузатмаслик - бу кўзни юмган ҳолда югуриш каби. Ким нима қиляпти, қаерда ютяпти, қаерда йўқотяпти - билмасангиз, ўзингизни ҳам баҳолай олмайсиз. Хулоса оддий: Рентабеллик - бу натижа. У эса: - тўғри жараёнлар - назорат қилинган харажатлар - асосланган нарх - ва кучли командадан келиб чиқади Фойда - бу тасодиф эмас. Бу бошқарув натижаси. --- Рақамларни ҳисобланг, бизнес билан шуғулланинг!