📌 Бир неча кун олдин дўстимнинг каналида ўтган онлайн учрашувда қизиқ бир сухбат бўлди..

📌 Бир неча кун олдин дўстимнинг каналида ўтган онлайн учрашувда қизиқ бир сухбат бўлди.. Суҳбат бизнесни кенгайтириш ҳақида эди. Саволлардан бири масштаблаштириш мавзусига тегишли бўлди. Саволнинг ўзи унчалик муҳим эмас. Менга қизиғи - кейинги жавоб бўлди. Дўстим унга: - "Бу саволга жавоб иккита вариантда бор. Қайсини танлаш эса компаниянгиз стратегиясига боғлиқ". деса Тадбиркорнинг жавоби мени ҳайратда қолдирди. У: - Менда стратегия йўқ. дейди Ростини айтсам, шу ерда бироз тўхтаб қолдим. Қандай қилиб стратегия бўлмаслиги мумкин? Ҳатто энг кичик бизнеснинг ҳам қандайдир йўналиши бўлади-ку. Қаерга кетаётгани, нима учун шу қарорларни қабул қилаётгани, қайси бозорни танлаётгани, нимадан воз кечаётгани... Стратегия дегани юз бетлик "хўжакўрсинга" ёзилган ҳужжат эмас. Стратегия - бу танлов. Нимага пул тикиш ва нимага тикимаслик ҳақидаги қарор. Қайси мижоз учун ишлаш ва қайсиси учун эмаслиги ҳақидаги қарор. Қайси имкониятни қувиш ва қайсисини қўйиб юбориш ҳақидаги қарор. Стратегия бўлмаса, бизнес кўпинча бир кунлик қарорлар билан яшайди. Бугун бир тарафга, эртага бошқа тарафга. Иш кўп бўлади, ҳаракат кўп бўлади, лекин қаерга кетаётганингиз тушунарсиз бўлиб қолади. Шу воқеадан кейин бир неча йил олдин ўтказган вебинарим эсга тушди. Ўшанда стратегия ҳақида гапирганман: - у нима учун керак; - нимага у муҳим; - уни қандай шакллантириш мумкин; - қарор қабул қилишда қандай ёрдам беради. -бизнесни нархи ва сотиш билан стратегияни нима алоқаси бор ва х.к.з Қуйида ўша вебинардан қисқа парчани қолдиряпман. Тахминан 15 дақиқа. Вақт топиб кўрсангиз, балки бизнесингизга бугун эмас, лекин бир куни керак бўлиб қолар. Чунки менинг назаримда, бизнесда стратегиясиз юриш - компассиз саёҳатга чиқишга ўхшайди. Юриш мумкин. Лекин қаерга бориб қолишингиз - катта савол. https://youtu.be/i05WVSLs_w8?t=1515 https://youtu.be/i05WVSLs_w8?t=1515 P.S: Дўстимни пуллик ёпиқ каналига хавола керак бўлса, шахсийга ёзилар, хаволани ташлаб бераман. Хафтасига 2 мартта "живой" онлайн савол жавоблар, кўп маълумотлар бўлиб туради. (реклама эмас 😉) --- Рақамларни ҳисобланг, бизнес билан шуғулланинг!