Учта ғоя ва тадбиркорлар уларга ишонишни яхши кўради.

Учта ғоя ва тадбиркорлар уларга ишонишни яхши кўради. Аммо кўпинча айнан шу ғоялар одамни жойида ушлаб туради. Биринчи ғоя. «Ўзлигингни сақла, Ўзингга содиқ қол - пул ўзи келади». Чиройли эшитилади-а? Лекин бозор бунчалик романтик эмас. Мен жуда қобилиятли, ҳалол ва ишига жон куйдирадиган одамларни кўрганман. Улар ҳақиқатан ҳам «Ўзини ўзгартиришга уринмаган». Лекин бизнеси ўсмаган. Чунки пул самимият учун эмас, қиймат учун тўланади. Мижозни тушуниш керак. Рақамларни билиш керак. Хатолар қилиш керак. Баъзан оғир қарорлар ҳам қабул қилиш керак. Фақат яхши инсон бўлиш бизнес қуриш учун етарли эмас. Иккинчи ғоя. «Тўғри муҳитга кирсанг, ўсасан». Баъзан шундай бўлади. Лекин кўп ҳолларда одамлар йиллаб чатларда, хар-хил клубларда ва тадбирларда юради. Бизнес ҳақида гаплашади. Бизнес ҳақида эшитади. Бизнес ҳақида баҳслашади. Фақат бизнеснинг ўзи негадир ўсмайди. Муҳит фойда бериши мумкин. Йўлни қисқартириши мумкин. Лекин ҳеч қайси муҳит сиз учун ишламайди. Барибир ишни ўзингиз қилишингизга тўғри келади. Учинчи ғоя. «Нетворкинг (таниш-билиш) ҳаммасини ҳал қилади». Ҳаммасини эмас. Албатта, алоқалар муҳим. Менинг ҳаётимда ҳам яхши танишувлар катта имкониятлар очган. Лекин бир нарса бор. Танишлар фақат натижа бор жойда ишлайди. Сизда таклиф қиладиган нарса бўлса. Қиймат бўлса. Ишонч бўлса. Акс ҳолда нетворкинг оддий визитка алмашишдан нарига ўтмайди. Менинг кузатишим шу: Пул чиройли ғояларда яшамайди. Пул ҳар куни такрорланадиган оддий ишлар ичида яшайди. Интизомда. Тизимда. Изчилликда. Одатда энг кам муҳокама қилинадиган нарсалар айнан шу бўлади. Лекин мустаҳкам бизнеслар айнан шуларнинг устида қурилади. --- Рақамларни ҳисобланг, бизнес билан шуғулланинг!