​​Таълим – керакми ёки керак эмасми?

​​Таълим – керакми ёки керак эмасми? Бугун бир афсона жуда ҳам оммалашган, унга кўра бизнесга ўқиш мумкин. Кейин тадбиркорлик билан шуғулланиб кўриш керак ҳолос, ҳаммаси яхши бўлади. Ва сиз эртагаёқ миллионерга айланасиз. Аммо ҳаммаси сиз ўйлагандек осон ва "порлоқ" эмас. Лекин бу таълим эгалламасдан туриб бизнес билан шуғулланса бўлаверади дегани хам эмас. Келинг, шу ҳақда мулоҳаза юритиб кўрамиз! Бизнес мактаби – уч тийинга қиммат нарса! Келинг, келишиб оламиз, ҳар қандай бизнес мактаби худди сизга интернет орқали пул эвазига муваффақиятли бизнес кейслар ҳақида ҳикоя қилиб берувчи курслар сингари уч тийинга қиммат нарса.  Тўғри, бу одамлар бизнес қилишни билишади. Лекин улар сизнинг устингизда бизнес қилишади. Улар ишончли тарзда, сизга мотивацияли тушунтириб, илҳомлантиришади.  Лекин, охир оқибатда сиз мутахассис бўлиб чиқишингиз амри маҳол. Тасаввур қилинг, сиз Феррари олгингиз келиб қолди. Бизнес курсларга қатнаш истагингиз пайдо бўлди.  У ерда сизга: *Феррари автомобилингиз бор бўлса, қандай яхшилиги; *Феррарининг қайси турини олган маъқуллиги; *Арзон Феррариларни олишнинг кераги йўқлиги; *Қизил Феррари олган маъқуллиги... Улар сизга аниқ бир маслаҳат бера олишмайди.  Лекин сиз “Феррари бўйича эксперт” дипломини қўлга киритасиз, аммо, улар Феррари олиш учун қандай пул топиш, ёки ҳеч бўлмаса ушбу автомобилнинг техник кўрсаткичлари тўғрисида бирор бир маълумот беришга қодир эмаслар. Умид қиламанки, сизга тушунарли бўлди. To be or not to be Хўп, бизнес билан шуғулланиш учун маълумот керакми? Албатта керак, ва яна бир марта керак. *Биринчи навбатда иқтисодий маълумот. *Икикнчи навбатда маркетинг таълими.  Лекин бу, сизнинг бизнесдан ташқарида маълумот олишингиз керак дегани эмас. Энг яхши маълумот – бу ўзига ўзи таълим бериш.  Шу боис, таълимнинг ҳар қандай тури билан шуғулланиш (эҳтимол керакли мутахассислик бўйича Олий таълим муассасига ўқишга кириш) фойдали. Фақат бунинг учун сиз ўз бизнесингизни йўлга қўйиб бўлган ёки энди иш бошлаётан бўлишингиз мумкин. Йўқ, бу мутахассисликларда сиз қандай пул топишни ўргана олмайсиз, лекин сизга шундай маълумот беришадики: *У сизга лойиҳани кенгайтириш; *Хатоликларга қўл қўйишдан асраш; *Маркетинг базасини кенгайтириш; *Бизнесни олиб боришда операцион сарф-ҳаражатлар таннарҳини пасайтириш имконини беради. Агар "ҳа" бўлса, у ҳолда қандай? Биринчи навбатда қандай маълумот олишни тавсия қилардим? Қанчалик кулгили кўринмасин, маркетинг таълими билан шуғулланинг. Агар сиз бизнес билан шуғулланмасангиз, у сизга мутлақо фойдасиз, лекин, маркетингдаги билимлар сиз учун даромадли ва муваффақиятли стратегияни шакллантириш, мақсадли харидорни аниқлаш – бозорни, ундаги ўзгаришларни таҳлил қилиш имконини беради. Кейингиси, мен молиявий таълим масалалари,  тўғрироғи иқтисодиёт билан шуғулланишни тавсия этган бўлардим. Бу сизга глобал молиявий оқимларни тушуниш – даромадни инвестициялаш ва автоматлаштириш учун мақсадлар топиш имконини беради. Энг муҳими – сизга иш ҳақини кимга ва нима учун тўлаётганингизни тушуниб етишни ўргатади. Шерикларингизни эса сизнинг қулоғингизга лағмон осишига йўл қўймайди. Бизнес соҳасида таълим панацея эмас, жиддий восита.  Таълимсиз миллиардлаб пул топган одамлар тўғрисидаги барча ҳикоялар эса – "жон сақлаб қолган"нинг одатдаги хатоси. Бу ҳақда кейинроқ алохида пост қўямиз. Сизнинг фикрингиз қандай? Telegram | Facebook | Instagram | YouTube