​​Крипто инвестициялар

​​Крипто инвестициялар Ҳамиша, бизнес деб хато ўйланадиган фаолият турларидан яна бири, бу крипто инвестициялар. Ахир булар ҳам инвестициялар ва улар кўчмас мулкка сарф қилинадиган сармоя ёки бошқа хил капитал маблағларидан нимаси билан фарқ қилади? @hack_the_biz ушбу масалани батафсил муҳокама қилишга киришади. Қани кетдик унда! Бу нима? Капитал турли шаклларда бўлиши мумкин. Булар пул, ускуна, кўчмас мулк ва бошқа кўплаб нарсалар бўла олади.  Аввал мен сизларга капиталнинг қимматли қоғоз тури ҳақида гапириб бермоқчиман, қимматли қоғозларнинг пайдо бўлиши ҳақида.  Бу энг аввало кредит маблағларини ишлаб чиқариш ва бизнесни кенгайтиришга жалб қилиш учун керак. Қимматли қоғозларга инвестиция киритиш, инвестиция портфелини диверсификация қилишда ажойиб бир восита саналади. Қимматли қоғоз – мулк эгасининг маълум мулкка бўлган ҳуқуқи борлигини ёки инвестор билан эмитент (компания) ўртасида қарз олди бердиси борлигини тасдиқловчи ва маълум даромад олиш имконини берувчи ҳужжат. Қимматли қоғоз ўзида акс этадиган номинал қиймат ҳамда талаб ва таклиф таъсирида келиб чиқадиган бозор қийматига эга. Қимматли қоғозлар бозори кўп ҳолларда фонд бозори деб аталади, қимматли қоғозлар бўйича олди-сотдилар ўтказиладиган жой эса фонд биржаси дейилади. Аммо, ҳамма қимматли қоғозлар ҳам биржада сотилавермайди. Шундай қилиб – криптовалюта, қимматли қоғозга ўхшайди, лекин қадри йўқ. Унинг қиймати ҳеч нарса билан тасдиқланмаган. Айтиш мумкинки, криптага маблағ ажратишнинг одатий инвестициядан фарқли жиҳати ҳам шунда! Нима сабабдан бизнес эмас Бу ерда  трейдингчалик ҳам, ҳаммаси аниқ равшан эмас. Биринчидан, крипто инвестициялар барқарорликни ҳам дивидендларни ҳам бермайди. Иш ҳақингизнинг ҳаммаси крипта котировкалари ўсиши башоратидан келиб чиқиб шаклланади. Иккинчидан, соҳанинг ўзи бошқарилмайди. Учинчидан, у янги бозорни шакллантирмайди. Пул маблағлари эса компаниялар томонидан ҳеч қанақасига ишга солинмайди, у фақат пул маблағи миқдорини ўстириш учун хизмат қилади. Умуман бу энг хавфли фаолият тури бўлиб, у билан (юзаки билим билан) умуман шуғулланмасликни маслаҳат берардим. Ўз навбатида криптотрейдинг ва криптоинвестицияларни Ethereum криптовалюталар асосчиси Виталий Бутерин аниқ тасвирлаб берган. Унинг айтишича, “криптага фақат шундай пул ажратингки, балки уни йўқотишдан қўрқманг, ҳеч ким сизга ҳеч қандай кафолат бера олмайди”! Шу билан тамом! Яқин орада майнинг ҳақида хам алохида пост қўямиз (албатта сизларга қизиқ бўлса, комментарийларда ёзиб қолдиринг!)