​​Нима учун счётларда пул бўлса хам, етказиб берувчиларга тўловни келишилган муддатдан олдин тўлаш бу хато.

​​Нима учун счётларда пул бўлса хам, етказиб берувчиларга тўловни келишилган муддатдан олдин тўлаш бу хато.   Келинг, аниқлик киритиб оламиз.   Бундан аввал биз айланма маблағларни бошқариш ҳақида гаплашганмиз, канал лентасида юқорида излаб кўринг. Бир сўз билан айтганда, биз ўзимизнинг товар айланмамизда етказиб берувчиларимизнинг пулларидан фаол фойдаланамиз. Соддароқ айтганда, бепул кредит.   Ишлаб чиқариш қувватларидан тўлиқ фойдаланиш учун, банк кредитлари ёки бизнес эгаларининг пулларини жалб қилмаслик учун, етказиб берувчиларимиз томонидан тақдим этилган кечиктирилган тўловдан фойдаланамиз. Бу йўналишдаги ишларни “қуриш” барча учун анча вақт талаб этган, чунки етказиб бериш шартлар “шундоққина” ҳал бўлмаган. Кўп учрашувлар ўтказилган, харидлар билан шуғулланадиган ҳар бир ходим қайси тўлов шартлари биз учун энг фойдали эканлигини ва қайси бири қабул қилиниши мумкин эмаслигини аниқ билишига ааанча вақт ажратганмиз. Олдиндан тўловсиз сиз билан ишлашга тайёр бўлган янги етказиб берувчиларни қандай қидирганингизни эсланг.    Ҳа, бу хавфли стратегия: айниқса, агар сизнинг омборингизда минимал захирангиз бўлса ва янги етказиб берувчилар билан келишув хали мавхум бўлса, буни “катта таваккал” дейиш мумкинки. Аммо шу билан бирга, бу энг катта фойда келтирадиган стратегия!    Ва энди тасаввур қилинг-а, сиз етказиб берувчилар билан энг фойдали муносабатларни ўрнатиш учун жуда кўп иш қилган эдингиз, лекин сизнинг фикрингизча жорий ҳисобингиздаги “бекор” ётган пулдан халос бўлишга қарор қилганингиз учун, ҳамма қурган системангиз йўқ бўлиб кетади-ми?   Ахир пул бўлса, нега тўлаб, қарздан қутилиб қўймимиз? деб сўрашингиз ўринлик албатта. Бунинг учун бизда тўлов тақвими бўлиши керак, унда биз тузилган шартномалар шартларига мувофиқ ёки солиқ тўлаш, иш ҳақини тўлаш шартларига мувофиқ кимга, қачон ва қанча тўлашимиз кераклиги аниқ кўрсатилади. Шунингдек, тақвим бизнинг харидорларимиздан олишни режалаштирган пулларни ҳам ўз ичига олади. Аммо ўзингиз биласиз, келадиган пуллар билан турли хил нарсалар,  “оғишлар” бўлиши мумкин. Лекин биз ойни шундай режалаштиришимиз мумкин-ки, нақд пул бўшлиқлар бўлмайди, ҳамма нарса теккис ўтадиган қилиб олишимиз мумкин. Аммо агар биз етказиб берувчига муддатидан олдин тўлаш учун “бўш” маблағни йўналтирсак ва мижозлардан бири бизни “қийин ахволга” солиб қўйса, биз қарзларга ёки ундан ҳам ёмони, кредитларга кунимиз "қолиб" кетиши мумкин бўлади ва иккинчиси бепул эмас, тушунсангиз керак.   Шунинг учун, самарали ишлайдиган тизимни тузиб олинг. Ва жорий ҳисобингиздаги пуллар “бекорчи” ётибти, деб ўйлашни бас қилинг.   Етказиб берувчиларга муддатидан олдин тўлаш мумкин бўлган ягона шарт, агар улар бизга қарзни муддатидан олдин тўлаш эвазига чегирма берса. Яъни биз эртароқ лекин камроқ тўлаймиз (Диққат! Ушбу шарт шаръий қанчалик “тўғри” келишига аниқлик киритиш керак). --- Рақамларни ҳисобланг, бизнес билан шуғулланинг! Telegram | Facebook | Instagram | YouTube | 🌐