​​Нега фойда бор, лекин пул йўқ?

​​Нега фойда бор, лекин пул йўқ? - Етказиб берувчиларга тўлаш учун пулимиз йўқ. - Қанақасига - пул йўқ? Мен ҳисоботни кўриб чиқдим, биз доимий равишда фойдага ишлаяпмиз. - Ҳа, шундай: фойдамиз бор, лекин ПУЛ йўқ. Таниш холат бўлса мен нима бўлаётганини сабабларидан бирини тушунтиришга ҳаракат қиламан. Ва энг муҳими, бу вазиятдан қандай чиқиш кераклигини хам айтиб ўтаман. - Аввало, биз ҳисоб-китобларимизда нотўғри йўл тутганимизни кўриб чиқамиз: биз мижозларимизга етказиб берувчилардан олганимиздан кўра кўпроқ тўловни кечиктириш шартини бераётган бўлишимиз мумкин. Мисол, бизнинг дебиторлик қарзларимизнинг ўртача айланма муддати 48 кун, яъни биз маҳсулотларни ортиб юборамиз ва кейин ўртача 1-2 ойда тўлов қабул қиламиз. Шу билан бирга, кредиторлик қарзлари учун шу кўрсаткич 32 кунни ташкил этади, яъни биз материалларни сотиб оламиз ва деярли бир ой ичида тўлашимиз керак. - Фавқулодда чора сифатида йирик харидорлар билан музокаралар олиб бориш ва шартномалар бўйича тўлов шартларини ўзгартириш имкониятларини муҳокама қилиш керак. Бунга параллель равишда, кечиктирилган тўловни, жарималарсиз, ошириш учун энг муҳим етказиб берувчилар билан ҳам худди шундай қилиш керак. Бундан ташқари, келажакда барча тузилган шартномаларни қайта кўриб чиқиш, тўлов шартларини қайта кўриб чиқиш, иложи борича қўшимча шартномалар тузиш керак. Сотув ва сотиб олиш бўлимлари учун улар контрагентларга таклиф қилишлари мумкин бўлган кечиктириш муддатлари устида ишлаш мухимлигини тушунтириш керак. ----- Money Manager барча мураккаб ва тушунарсиз рақамларни оддий ва тушунарли қилишни билади. Telegram | Facebook | Instagram | YouTube | 🌐