​​Бизнеснинг турли босқичларида молиянинг ўрни.

​​Бизнеснинг турли босқичларида молиянинг ўрни. Сиз ёлғиз эмассиз.. Ҳар қандай корхона ёки лойиҳа ривожланиш жараёнида бир неча босқичларни босиб ўтади. Уларнинг ҳар бири, жараён сифатида ташкил этилганми ёки йўқми бундан қатъи назар, молия ва менежментга эга. 1. "Бетартиблик" босқичи Нима бўлади: ҳамма нарса энди бошланмоқда, компания туғилди, шаклланди, сиз биринчи пулингизни топасиз. Ушбу босқичда молия билан нима содир бўлади? Учёт ҳисоби йўқ. Ҳамма нарса тадбиркор нинг калласида, ҳеч нарса автоматлаштирилмаган. Сиз индивидуал кўрсаткичларни ҳисоблашни бошлайсиз, бунга муҳтожлигингизни тушунасиз, лекин ҳисоб-китобларга эътиборингизни қаратмайсиз, чунки сизда бошқа вазифалар бор - тирик қолиш ва бизнесни ривожлантириш. Хаос, дастлабки икки ой ёки бир йиллик иш билан чегараланиши шарт эмас. Бу бир неча йил давом этиши мумкин ва фақатгина, сиз онгли равишда нарсаларни тартибга солиш кераклиги тўғрисида қарор қабул қилганингизда тугайди. 2. "Ўсиш, ривожланиш" босқичи Кейин, агар ҳамма нарса яхши бўлса, сиз тез ўсишни бошлайсиз. Товар айирбошлаш ва "фойда" ўсиб бормоқда, барча хайи харакатларингиз иш бермоқда. Рақамлар билан, кўрсаткичлар билан нима содир бўлмоқда? Агар молиявий ҳисоботни режалаштириш, яхши йўлга қўйилмаган бўлса, унда тартибсизлик ўсишда давом этмоқда.   Бухгалтер, молиячилар, маслаҳатчилар пайдо бўлади ва кўрсаткичларнинг хаотик ҳисоби жорий этилади. 3. "Барқарорлашиш" босқичи Ушбу босқичда сизда аллақачон шаклланган бизнес-модель мавжуд - сиз ўзингизнинг бизнесингиз қандай ишлашини тушунасиз (кимдан сотиб оласиз, кимга сотасиз, нимани ишлаб чиқарасиз, қандай фойда олинади, қанчалик тез ривожланасиз ва ҳоказо).  Бу барқарорлашиш мезонидир. Сиз рақамлар ва кўрсаткичлар бўйича бетартибликда бўлишингиз мумкин, аммо умуман бизнес модель шаклланган ва ишлаятган бўлади. Стабилизация босқичида сиз бизнес самарадорлигини ошириш ва яхшилаш нуқталарини излайсиз, яна қўшимча нималар қилиш кераклигини ўйлайсиз.  Гипотезалар тузасиз: савдо ҳажмини ошириб кўрасиз, янги йўналишларни очиб кўрасиз, ходимларни ёллайсиз / ишдан бўшатасиз, бизнес жараёнларини тавсифлаб чиқасиз ва албатта автоматлаштирасиз.  Аммо сизнинг молиявий учётингиз, бир текисда эмас. Кўрсаткичларга талаб тобора ортиб бормоқда ва қаерга ва қандай боришни тушуниш учун сизга кўпроқ маълумотлар керак бўлади. Молиявий таваккалчилик билан боғлиқ вазиятлар оғирлашади, масалан, солиқлар кутилганидан кўпроқ тўланган, сотувлар кескин пасайган, нақд пул бўшлиқлари бўлган. Савол нима учун?  Бу ҳолатга келишдан олдин бошқарув қаерда эди? Агар ушбу босқичда компания учёт ҳисобини, автоматлаштирилган ҳисоботни ўрнатган бўлсангиз, кўрсаткичларни ҳисоблашни бошлаган бўлсангиз, сиз тушунасиз: янги гипотеза қурасиз (масалан, биз қуйидагича ривожланамиз), уни ҳисоблаб чиқасиз, амалга оширишга ўтасиз, яъни кейинги даражага кўтариласиз. 4. "Масштабланиш" босқичи Барқарорлашганлар инвесторларни жалб қилиш, франчайзингни сотиш орқали ёки органик ўсишда ривожланишни давом этадилар. Масштабланишни амалга ошириш учун сиз компания иқтисодиётини, ресурсларга бўлган эҳтиёжни, фойда олиш ва инвестицияларнинг рентабеллиги учун мақсадларни аниқ тушунишингиз ва молиявий моделга эга бўлишингиз керак. 5. "Йўқ бўлиб кетиш" босқичи Лойиҳа ниҳоясига етади, чунки у олдига қўйган мақсадларига эришган Ёки, аксинча, умидларни оқламаган бўлади.  Бу молиявий натижаларни сарҳисоб қилиш, баҳолаш, инвесторлар ва кредиторлар билан ҳисоб-китоб қилиш босқичидир. Сизнинг бизнесингиз қайси босқичда? ----- Рақамларни ҳисобланг, бизнес билан шуғулланинг! Telegram | Facebook | Instagram | YouTube | 🌐