Яқинда тадбиркорлар комьюнитиси ҳақида қизиқ бир фикр эшитдим.

Яқинда тадбиркорлар комьюнитиси ҳақида қизиқ бир фикр эшитдим. Айрим тадбиркорлар орасида оддий қоида бор: агар фойда келтира олсанг - шунчаки ёрдам бер. Шартларсиз. Шартномасиз. “Кейин керак бўлар” деган умидларсиз. "Қайтади"ни кутмасдан. Ёрдам бердинг - ва йўлингда давом этавер. Мен буни бир неча марта "катта" тадбиркорлар хатти харакатида кўрдим. Сен унга ёзасан, мурожаат қиласан - орада умумий тарих йўқ, манфаат ҳам йўқ. У эса хотиржам: 👉 контактларини беради 👉 ўзи қандай ҳал қилганини тушунтиради 👉 қаерда пул йўқотишингни олдиндан айтади Имо - ишораларсиз. “Менга бундан нима наф бўлади?” деган саволларсиз. Энди ростини айтайлик - бизда қандай? Бизда ёрдам камдан-кам ҳолда “самимий”, "соф" бўлади. Кўпинча: - “ҳозир ёрдам бераман, кейин керак бўлиб қолар” - “таништираман, лекин келишиб олайлик” - “майли, лекин кейин "раҳмат"ини олиб келарсан” кўринишда Ха, тўғридан тғўри айтилмаса ҳам - бу ҳис туйғу ҳавода "осилиб" туради. Мен шундай ҳолатларни кўрдим: битта тавсия учун одамлар йиллаб: - улушларга - фоизларга - норасмий мажбуриятларга “осилиб” юради "Даже", амалдаги иштирок аллақачон йўқ бўлса хам. Ва вақти келиб, бу ёрдам бўлмай қолади. Бу - инвестицияга айланади. Баъзида унча шаффоф бўлмаган инвестицияга. Натижада нима бўлади? Одамлар: - камроқ имкониятлари билан улашади - таништиришда эҳтиёткор бўлади - умуман кимга-қандай жавоб беришни фильтрлай бошлайдилар. Чунки ҳар қандай “ёрдам” кейин мажбуриятга айланиб кетиши мумкин. Ва бозор, имкониятлар "ёпиқ" бўлиб боради. Рақобат сабабли эмас. Инқироз сабабли эмас. 📌 Оддий ишонч йўқолгани учун. Ва энг қизиқ парадокс. Ҳамма: - кучли муҳитни - янги имкониятларни - алоқалар орқали ўсишни хохлайди. Лекин шу билан бирга: 📌 ўша алоқаларнинг ўзига “нарх” қўя бошлайди Ана энди, қиссадан хисса қилиб савол берсак: агар ёрдамдан ҳисоб-китобни олиб ташласак - сиз барибир ёрдам берасизми? ёки... --- Рақамларни ҳисобланг, бизнес билан шуғулланинг!