Ҳақиқий эркин одамлар ким биласизми?

Ҳақиқий эркин одамлар ким биласизми? Бомжлар ва алкоголиклар. Ҳа, қўпол эшитилади. Лекин “эркинлик” ҳақидаги энг хақиқий гап шу. Бизнес ҳақидаги энг катта ёлғонлардан бири - “ўзини ишингни бошласанг, эркин бўласан” деган гап. Амалда эса ҳаммаси тескари. Сиз битта тизимдан (ёлланма ишчиликдан чиқиб), бошқасига кирасиз. Кўпинча - анча "қаттиқроқ" тизимга. Ишхонада битта начальник бўларди. Ўзиззи бизнесизда эса: мижозлар, ходимлар, етказиб берувчилар, солиқ, ижара, тўловлар, касса… ва сиздан доим нимадир кутадиган яна ўнлаб одамлар. Энг қизиғи нима биласизми? Хато қилсангиз ҳам айбдор ўзингиз. “Компания” эмас. “Шундай холат” эмас. Ўзингиз. Пул ҳеч қачон “хозирча керак эмас” пайтда тугамайди. Муаммо ҳам огоҳлантириб келмайди. Битта қўнғироқ - ва "шанба-якшанба" йўқ. Шунақа пайтда бизнесмен икки хил одамга ажралади. Биринчи тур - доим реакцияда яшайдиганлар. Қаердадир кассада разрыв. Қаердадир шошилинч тўлов. Қаердадир “унутибмиз, узур шеф”. У бошқармайди. У фақат ҳаммадан тезроқ югурадиган бўлади. Ташқаридан қараганда бу ҳатто “кучли тадбиркорлик энергияси”га ўхшайди. Лекин ичида одам аллақачон хаосда яшаятган бўлади. Иккинчи вариант эса оғирроқ. У ҳисоблай бошлайди. Режалаштиради. Олдинни кўришга ҳаракат қилади. Аста-секин бизнес уни ейишдан тўхтайди. Тизим унга қарши эмас, у учун ишлай бошлайди. Менимча бизнесдаги эркинлик мана шу бўлса керак. “Нима хоҳласам шуни қиламан” деганимас. Бу ёш болаларча тасаввур. Ҳақиқий эркинлик - ўз компаниянгиз сизга босим қилмай қўйган пайт. Рақамларни тушунганингизда. Қарор нархи қанча эканини билганингизда. Хаётингиз “бир муаммодан бошқасигача” га айланмаганида. Қизиғи… буларни "мотивацион тадбиркорлар" деярли ўргатмайди. Лекин кассовый разрыв жуда тез ўргатади. Биламан, бу гапларни мендан эшитавериб чарчаб кетган бўлишингиз мумкин. Лекин мен қайтаришдан чарчамайман, "БИЗНЕСИНГИЗ БИЛАН ШУҒУЛЛАНИНГ" Қарорларингизни “розовый фламинго” кайфиятида қабул қилманг. --- Рақамларни ҳисобланг, бизнес билан шуғулланинг!