Шунинг учун мен “яқин орада ҳаммасини технология ҳал қилади, шахсий омил йўқолади” деган гапларга ишонмайман.

Шунинг учун мен “яқин орада ҳаммасини технология ҳал қилади, шахсий омил йўқолади” деган гапларга ишонмайман. Аксинча. Контент, хатлар, презентациялар, жавоблар, стратегиялар, “ақлли фикрлар” машиналар томонидан кўпайган сари, энг муҳим савол битта бўлиб қолади: буларнинг ортида ким турибди? Бу ваъдани айнан ким беряпти? Ким жавоб беради? Иш чиройли сценарий бўйича кетмаса ҳам, ким майдонда қолади? Чунки деярли ҳамма ақлли кўрина оладиган дунёда энди энг баланд гапирган одам эмас, балки исми одамнинг ичидаги хавотирни камайтирадиган одам ютяпти. Юқоридагилардан келиб чиқиб: бизнесда ишончнинг энг аниқ таърифи қуйидагича деб биламан: “Мени ҳурмат қилишади” эмас. “Шахсий брендим кучли” эмас. “Обуначим кўп” ҳам эмас. Балким: менинг иштироким мижоз, ҳамкор ёки жамоадаги хавотирни камайтиради. Мен билан тушунарлироқ. Мен билан хотиржамроқ. Мен билан ҳаммаси энг ноқулай пайтда қулаб тушиш эҳтимоли камроқ. Мана шу нарса учун келажакда янада кўпроқ маблағ тўлашади. Чунки дефицит энди маълумотда эмас. Маълумот етарли. Дефицит - суяниш мумкин бўлган одамда. Идеал эмас. Хато қилмайдиган эмас. Ҳар доим ҳақ бўладиган ҳам эмас. Лекин ишончли. Менимча, яқин йилларнинг энг катта валюталаридан бири шу бўлади. Охват эмас. Тезлик эмас. Инструментлар сони эмас. Балки сизнинг исмингиз бошқаларда қандай даражада ишонч уйғотиши. Кейинги пост - Маълумот ҳали етарли эмас, жадваллар жим, ИИ ҳам аниқ жавоб беролмайди… лекин қарорни барибир қабул қилиш керак бўлиши хақида. --- Рақамларни ҳисобланг, бизнес билан шуғулланинг!