Менимча, "маятник" яна орқага қайтмоқда.

Менимча, "маятник" яна орқага қайтмоқда. Яқиндагина кўплаб компаниялар ходимларини қисқартирди. Сабаби битта эди: «Энди ҳаммасини сунъий интеллект қилади.» Орадан кўп вақт ўтмади. Энди эса ўша компаниялар ўша одамларни яна ишга чақиряпти. Бу ҳолатга ҳатто ном ҳам беришди — «ИИ бумеранг эффекти». Нега дейсиз-ми? Чунки одамни алмаштириш презентацияда осон. Амалда эса унчалик эмас. Энг аввал мижозлар билан ишлайдиган ходимларни қайтаришди. Бот билан гаплашиш ёмон эмас. Фақат савол оддий бўлса. Муаммо стандартдан чиқиши билан ҳаммаси ўзгаради. Бот узр сўрайвера-ди. Бир хил жавобни қайтаравера-ди. «Кейинроқ мурожаат қилинг», дейди. Мижоз эса кутмайди. У кетавера-ди. Кейин контент яратадиган мутахассисларга навбат келди. Ҳа, сунъий интеллект матн ёза олади. Расм чизади. Реклама тайёрлайди. Лекин одамлар ҳам ИИ ёзган контентни таниб қолишни ўрганди. Барча матнлар бир-бирига ўхшай бошлади. Фикр бордек. Лекин "руҳ" йўқ. Позиция йўқ. Муаллиф сезилмайди. Брендлар эса мижоз ишончини секин-секин йўқота бошлади. Энг қизиғи IT соҳасида бўлди. Кўпчилик дастурчилар биринчи бўлиб кераксиз бўлади, деб ўйлаганди. Амалда эса аксинча чиқди. ИИ кодни тез ёзади. Лекин кейин кимдир уни текшириши керак. Хатосини топиши керак. Нима учун ишламаётганини тушуниши керак. Энг муҳими - жавобгарликни зиммасига олиши керак. Ҳозирча буни одам қиляпти. Менимча, асосий хато бошқа ерда бўлган. Кўпчилик оддий ишларни автоматлаштириш ўрнига, фикрлашнинг ўзини автоматлаштиришга уринди. Бу эса икки хил нарса. Биз ўзимиз ҳам сунъий интеллектдан ҳар куни фойдаланамиз. У жуда кучли восита. Ўзимизни сервисимизга хам жорий қилганмиз. Учет тузишдан бошлаб, хисоботларни анализида, фин модель тузишда кучли ёрдамчи қилиб "тарбиялаяпмиз" 😜. Лекин восита ҳеч қачон устадан устун бўлиб қолмайди. Шунинг учун ишонаманки, яқин йилларда энг катта устунлик ИИ билан курашадиганларда ҳам эмас, уни кўр-кўрона ҳамма жойга жорий қиладиганларда ҳам эмас. Балким, сунъий интеллект қаерда одамни кучайтиришини, қаерда эса одамнинг ўрнини боса олмаслигини тушунадиганларда бўлади. Сиз да-чи, қандай фикр бор бу масалада? Сунъий интеллект ҳақиқатан ҳам кўпчилик касбларни алмаштирадими? Ёки ҳозир биз фақат ортиқча кутилган натижаларнинг биринчи тўлқинини кўряпмиз-ми? --- Рақамларни ҳисобланг, бизнес билан шуғулланинг!