Компанияни эмас, битта одамни автоматлаштиринг

Компанияни эмас, битта одамни автоматлаштиринг Ҳозир кўпчилик ИИ-автоматлаштиришга вақт ҳам, пул ҳам сарфлаяпти (Ха ха, яна ИИ хақида...🙈). Натижа эса йўқ. На тезлик бор, на тежам. Фақат «ҳаммаси қандай бўлади» ҳақида чиройли презентация. Менимча, гап ИИда эмас, қаердан бошлашда. Аввалига ўзим ҳам шундай ўйлагандим: ҳаммасини бирданига қайта қурамиз деб. Аслида эса энг қимматли ходимлардан бошлаш керак экан. Иши бошидан ошиб ётган, бошини кўтаришга ҳам вақти йўқ одамлардан. Улар билан катта ўзгаришлар хақида сухбатлашиб бўлмайди. Ишини бутунлай қайта бичиб бўлмайди. Ҳаммасини янги тизимда қайтадан киритишга мажбурлаш ҳам мумкин эмас: уларнинг вақти шундоқ ҳам йўқ, сиз эса устига яна иккиламчи иш юклаяпсиз. Аслида юошланғич босқида фақат кичик воситалар керак. Одам ҳозир қилаётган ишига табиий қўшиладиган ва уни шунчаки тезлаштирадиган. Аввал буни ўзимизда синаб кўрдик. Бизда доимий хизмат кўрсатадиган мижозлар бор: уларнинг бирламчи ҳужжатларини ўзимиз киритамиз, барча маълумотни ўзимиз йиғамиз. У ерда такрорланадиган иш етарли, ўшанда синаб олдик. Кейин бир мижоз бўлди. Аниқроғи, унинг ходимаси. Унга ҳар куни бошқа тизимдан савдо маълумотларини олиб келишарди, буни "киритиш"га камида икки соат кетарди. Ҳар куни. Ярим кун шунчаки кузатдим: у бу маълумотлар билан нима қилади, қайси қадамлар, қандай тартибда. Кейин ИИ ёрдамида оддий восита йиғиб бердим. Манба файлни юклайсиз, тайёр форматни оласиз, қолгани нусха олиб, бизнинг сервисга қўйиш. Энди бунга кўпи билан 15 дақиқа кетади 🚀 Кейин ҳаммаси занжир бўлиб кетади. Аввал одамда автоматлаштириш қуруқ гап ҳам, ўйинчоқ ҳам эмас экан, деган ҳис пайдо бўлади. Кейин мураккаброқ нарсаларга қарашга вақт топилади. Кейин эса ўзи ҳам бунда қатнашгиси келиб қолади. Айнан шунга эришиш керак эди ✌️ Чунки компанияни автоматлаштиришда энг қимматли одамларингиз қатнашиши керак. Иши йўқлар эмас. Ва ишингиз қандай тузилганини тушунишга ҳам уриниб кўрмаган консультантлар эмас. Қадамма-қадам. Одамма-одам 🎯 Сизда энг банд ходим ким? Қайси такрорланадиган ишни биринчи бўлиб унинг елкасидан олардингиз? Изоҳларда ёзинг, бир-иккита ҳолатни таҳлил қилиб кўрамиз. --- Рақамларни ҳисобланг, бизнес билан шуғулланинг!