Сиз ишга олмаган ходим

Сиз ишга олмаган ходим У йилига мингга яқин соат ишлайди. Ҳужжатларни тўғрилайди, ҳисобот тўлдиради, кечаси соат ўн бирда етказиб берувчига жавоб ёзади, кадрлар билан овора бўлади, касса чиқдими-йўқми текширади. Маош олмайди. Таътилга чиқмайди. Бу ходим - сизсиз. Минг соатни мен ўйлаб топганим йўқ. Кунига тўрт соат рутинани, бутун иш йилига кўпайтирамиз. Тўрт соат қаердан чиқди, дейсизми? Яқинда «Яндекс Go для бизнеса» тадқиқотига кўзим тушди. Россиянинг миллионли шаҳарларида кичик ва ўрта бизнеснинг 1200 дан ортиқ эгаси сўровда қатнашган. Уларнинг 43 фоизи ҳар куни операцион ва маъмурий ишларга тўрт соатдан кўп вақт сарфлайди. Қолган рақамлар ҳам бундан хурсанд қилмайди. 70 фоизи ҳафтасига 60 соатдан ортиқ ишлайди. Ҳар бешинчиси суткасига 12 соатдан, дам олиш кунисиз. 77 фоизи иш масалаларини кечаси ҳал қилади. Уларнинг тўртдан бири эса кечаси бизнесни ривожлантириш билан эмас, ўша майда-чуйда ишлар билан банд: ҳисобот, ҳужжат. Афсуски Ўзбекистон бўйича бундай маълумот менда йўқ. Лекин худди шу манзарани ўз лойиҳаларимда ва таниш тадбиркорларда анчадан бери кўриб юрибман. Шунинг учун бизда аҳвол яхшироқ деб ўйламайман. Тўғриси, статистика мени ҳайрон қолдирмади. Ўзим тахмин қилиб юрган нарсани шунчаки ёқимсиз тарзда тасдиқлади, холос. Ахир инсон бу бизнесга бошқа нарса учун келгандик-ку. Вақтини ўзи бошқариш учун. Бизнес ишласин, биз эса уни бошқарайлик деб. Амалда кўпчилик ўзига иккинчи иш қуриб олди. Маошсиз, графиксиз, нормал таътилсиз. Йўқ, бу амбиция ҳақида эмас. Ҳафтасига 60 соат деярли доим битта нарсани билдиради: жараёнлар йўлга қўйилмаган, рақамлар сочилиб ётибди, назорат эса эгасининг бошида. Назорат бошда экан, ҳеч нарсани қўйиб юбора олмайсиз. Буни ирода кучи билан даволаб бўлмайди. Яна битта одам ёллаш мумкин, албатта. Лекин аввал вақтингиз аниқ нимага кетаётганини ва фойда қаердан оқиб кетаётганини кўриш керак. Акс ҳолда янги одамни ўша тартибсизликнинг ичига ёллаб қўясиз. Мен айнан шу билан шуғулланаман. Бизнес рақамларини тушунарли манзарага йиғаман, операцион ишларда тартиб ўрнатаман, бошқарув ҳисоби, регламентлар ва назорат билан топширишни йўлга қўяман. Бизнес эгаси яна бошқарувчига айлансин, майда ишлар остида қолиб кетмасин. Ўқиётганда ўзингизни таниган бўлсангиз, келинг, айнан сизнинг компаниянгизда нимадан бошлашни бирга кўриб чиқамиз. 👉 Консультацияга ёзилиш: //t.me/Salijan_Saliev --- Рақамларни ҳисобланг, бизнес билан шуғулланинг!