AI молиячини алмаштира оладими?

AI молиячини алмаштира оладими? Яқинда фойдаланувчиларимиздан бири: умуман учет сервисизга AI жорий қиляпсизларми? деб сўраб қолди. Жорий қиляпмиз. СИ тармоқлар билан ишлаймиз - баъзан натижа дарров чиқяпти, баъзан ҳафталаб машаққат билан созланяпти. Лекин бу танганинг бир томони. Иккинчиси - мен бир неча марта айтган гап: AI тез орада компания молиясида ҳеч нарсани алмаштирмайди. Мисол учун. Банк ва CRM ни улаб, «битта тугмани босиш билан» бошқарув ҳисобини созлаб бўлмайди. Рақамлар чиндан фойда бериши учун кимдир моддаларни тақсимлаш методологиясини ўйлаб топиши, моддаларни қайта кўриб чиқиши, баъзан бизнес-жараёнларнинг ўзини қайта қуриши, натижани қўлда текшириши, соҳа хусусиятини ва бизнес эгасининг истакларини ҳисобга олиши керак. Ва яна битта алоҳида масала: бу рақамларни кўрсатишни истамайдиган жамоанинг саботажи. AI ни молияда қоқиладиган жойлари кўп: - AI уч ойдан бери улушини киритмаётган шерик билан ўтириб, юзига тик қараб «бундай бўлмайди» дея олмайди - AI кассир ҳар ой нега айнан бир хил суммага адашаётганини тушунмайди, бу ерда ҳисоботга эмас, кўзга қараш керак - AI кассада пул жисмонан йўқ пайтда ижарага берувчидан бир ҳафтага муҳлат сўрай олмайди - AI касса минусда турган ойда бизнес эгасини ўзига мукофот олишдан тўхтата олмайди - AI рақамлари тўғри чиққан-у, аммо бир-бирига ишончи қолмаган "ака-ука"дек бўлиб кетган шерикларни яраштира олмайди. ➡️ Молияда автоматлаштириш ҳозирча ҳисоб-китобда эмас - ҳисоблашга ўргатиш мумкин. У жонли мулоқотда, нюансларда ва кимдир шахсан назорат қилиши кераклигида панд беради. Оддий қилиб айтганда: бизнесга ҳамон «бунинг учун жавобгарликни ўз зиммамга оламан» дея оладиган одам керак. Шунинг учун ҳисобга эҳтиёжингиз бўлса - аввал ҳеч бўлмаса асосини ўзингиз тушуниб олинг. Бу ҳалиям энг ишончли йўл. Рақамларингиз пайдо бўлгач, уларни AIга «едирворишингиз» мумкин. Ва ўшанда у чиндан алмаштириб бўлмайдиган ёрдамчига айланади. --- Рақамларни ҳисобланг, бизнес билан шуғулланинг!