​​Асосий молиявий кўрсаткичлар (2)

​​Асосий молиявий кўрсаткичлар (2) Ўз капиталининг рентабеллиги  Нимани кўрсатади: бизнесга сармоя қилиб киритган пулингиз ва мол-мулкингиз қанчалик самарали ишлатилганлиги.  Нима учун билишингиз керак: агар рентабеллик тушса, у ҳолда сизнинг пулингиз ва мол-мулкингиз аввалгидек самарали бўлмай қолади. Ўзингизнинг капиталингизнинг рентабеллилигига асосланиб, сиз ва инвесторларингиз бизнесга кўпроқ сармоя киритишдан мантиқ борми ёки йўқлигини ҳал қиладилар.   Умумий пул оқими:  Нимани кўрсатади: операцион, молиялаштириш ва инвестициявий фаолиятнинг умумий миқдорини. Бунга даромадлар, кредитлар ва бизнесга тикилган инвестициялар киради.  Нима учун билишингиз керак: агар жами пул оқимини ҳисобласангиз, исталган вақтда бирон бир ҳаракат учун пулингиз борлигини билиб олишингиз мумкин. Операцион пул оқими Нимани кўрсатади: компаниянинг асосий фаолияти савдо, хизмат кўрсатиш ёки ишлаб чиқаришда иштирок этадиган пуллар билан нима содир бўлаётганини.  Нима учун билишингиз керак: бизнеснинг ҳар бир сегментидаги тушумлар ва чиқимлар ўртасидаги боғлиқликни тушуниш учун. Масалан, агар сизнинг автосалонингиздаги мой алмаштириш харажатлардан кўра беш баробар кўпроқ фойда келтирадиган бўлса, унда бу маблағ сармоя сифатида киритилиши мумкин ва агар ғилдираклар созланиши, ёки русчасига айтганда развал-схождение зарар келтирадиган бўлса, унда сиз нархни пасайтиришингиз ёки нархларни оширишингиз керак. Харажатлар Нимани кўрсатади: бизнесингизни юритишингиз учун қанча пул сарфлаганингизни кўрсатади. Нима учун билишингиз керак: қанча пул кетаётганини билиш ва бизнесингизни яхшироқ режалаштириш. Доимий харажатларга алоҳида эътибор берилиши керак, чунки улар компания минусга, яъни камомадга ишлаётган бўлса ҳам, улар пулни олиб кетади.  давом бор..