​​Бизнеснинг мақсади ва миссияси. Фарқи нимада?

​​Бизнеснинг мақсади ва миссияси. Фарқи нимада? Мисол учун ИКEА ни олайлик: "Оддий одамларнинг кундалик ҳаётини яхши томонга ўзгартириш" ёки Samsungни: "Биз юқори сифатли маҳсулот ва хизматларни яратиш учун компаниянинг инсоний ва технологик ресурсларидан фойдаланамиз ва шу тариқа жамиятдаги глобал вазиятни яхшилашга ҳисса қўшамиз" Агар диққат билан ўқисак, айнан биз юритаётган компания ҳақида ёзилганга ўхшайди, тўғри-ми?. Ёки яна бир мисол, Zappos: "Мижозларга энг яхши хизматни тақдим этамиз" Бу ҳар қандай компанияга тегишли, тўғри эмас-ми? Аммо бу, кўпроқ компаниянинг миссияси ҳақида. Бизнинг мақсадимиз эса бошқача тўғри-ми? Бизнинг мақсадимиз пул ишлаш. Компаниямизнинг мақсади пул ишлаш ва бизнес эгаларига фойда келтиришдир. Бизнинг миссиямиз ҳам бор албатта, ва бу, маҳсулотнинг юқори сифати, жамиятга қўшган ҳиссаси ва мукаммал хизмат ҳақида. Миссия ва мақсадни аралаштирмайлик. Мақсад - пул топиш ва биз қилган бошқа ҳамма нарса бу мақсад учун воситадир. Ҳар бир ходимнинг ҳар бир ҳаракати бизни мақсадимизга яқинлаштириши керак, ундан узоқлаштириши керак эмас. Дарҳол савол туғилиши мумкин: шунда, бизга керак бўлган ягона кўрсаткич - бу савдони ҳажми-ми? - Йўқ бундай эмас. Биттагина, сотувлар ҳажми биз мақсадга эришганимиз - яъни "пул ишлаб топганимиз" ҳақида ҳеч нарса айтмайди, чунки сотишда бизда таннарх, яъни харажатларимиз бор. Компания эгалари мақсадга эришилганлигини тушунишлари учун капиталнинг даромадлилиги кўрсаткичи мавжуд, яъни мулкдорлар томонидан қўйилган ҳар бир сўм учун қанча пул олинганлиги хақида кўрсаткич. У холда, яна бир савол, автоматик равишда пайдо, бўлади: Ходимларнинг ҳар бири, компаниянинг ўз капиталини рентабеллиги кўрсаткичига қандай таъсир қилиши мумкин? Уларнинг ҳар бири, ўз соҳасида нима қилишлари керак? Бу саволга жавоб бериш учун DuPont формуласи мавжуд. Мен сизни кераксиз тафсилотлар билан зериктирмайман, лекин содда қилиб айтса: компанмя ўз капиталининг даромадлилиги, бизнеснинг рентабеллигига, активлар айланмасига ва молиявий рычагга боғлиқ. Агар бироз ёритиброқ тушунтириш керак десангиз, бунинг учун бизнинг каналимизда барчаси батафсил тавсифланган мақола мавжуд. Мархамат, 1,2,3. Ана ундан кейин пул ишлаш мақсадингизга эришиш учун, ҳар бир соҳа (маркетинг, менежмент, ишлаб чиқариш, савдо ва х.к.з бўлимлари) учун ҳаракат режасини ишлаб чиқишга ишчи гуруҳ тузинг. ----- Рақамларни ҳисобланг, бизнес билан шуғулланинг! Telegram | Facebook | Instagram | YouTube | 🌐